Төв аймгийн ИТХ-ын бодлогын хороодоос сумдад ажиллах ажлын хэсгийн удирдамжийн дагуу аймгийн ИТХ-ын Нийгмийн бодлогын хорооны дарга Б.Жаргалмаа , аймгийн ИТХ-ын Нутгийн удирдлага, хууль хяналт, гадаад харилцааны хорооны гишүүн Т.Мөнхзориг, аймгийн ИТХ-ын Нийгмийн бодлогын хорооны гишүүн Б.Наранбат , аймгийн ИТХ-ын ажлын албаны ажилтан Д.Оюунсайхан нарын бүрэлдэхүүнтэй ажлын хэсэг аймгийн ИТХ-аас хийгдэж буй ажил, аймгийн ИТХ, Тэргүүлэгчдээс батлагдсан бодлого шийдвэрийг сурталчлах, Бүтээн байгуулалт хөрөнгө оруулалтын жилийн ажлын төлөвлөгөөний хэрэгжилт, Архидан согтуурахаас урьдчилан сэргийлэх, хяналт тавих хөтөлбөрийн хэрэгжилт, сумын ИТХ, Тэргүүлэгчдийн хуралдааны баримт бичиг, дотоод ажлыг шалгаж, зөвлөн туслах ажлаар 2019 оны 09-р сарын 26-ны өдөр Архуст суманд ажиллалаа.